Mumbai, 13 April : Asha Bhosle ke Mumbai te full state honours logot antim bidaai dise. Tai laga last rites Shivaji Park Crematorium te hoise, aru tai laga lora Anand Bhosle rituals perform korise.
Lower Parel te tai laga ghar te alag manuh, fans aru celebrities ahi last respects janaise. Tabu, Sachin Tendulkar, Ranveer Singh, Riteish Deshmukh aru bishi tai laga granddaughter Zanai Bhosle ke console kori thaka dekhise. Tai laga casket white lilies logot sajaise, tricolour logot wrap korise, aru crematorium te Mumbai Police taraf pora gun salute dise.
Evening te, phool logot sajai thaka ekta van te ‘Asha tai’ ke crematorium loi jaa somoy, fans building rooftop aru balcony pora phool ujaar korina last tribute dise. Family aru close manuh logot final journey te saath dise.
Crematorium te bhi alag prominent figures ahise—Vicky Kaushal, Aamir Khan, Vivek Oberoi, Padmini Kolhapure, Jackie Shroff aru political leaders nisina Devendra Fadnavis, Eknath Shinde, Supriya Sule, Uddhav Thackeray, Rashmi Thackeray aru Aaditya Thackeray.
Singers nisina Shaan aru Sudesh Bhosale musical tribute dise, aru Shreya Ghoshal nijor concert te tai ke yaad korise.
Asha Bhosle, kun ke “Asha tai” kuina manuh bhal pai, India laga music industry te ekta legendary legacy chari jaise.
