Macau, 18 June : Badminton te, India laga Ashmita Chaliha aru Anmol Kharb ajikali Macau, China te choli thaka Macau Open laga Women’s Singles quarter-finals te qualify korisey.
Ashmita Round of 16 te USA laga World No. 65 Ishika Jaiswal ke 22-20, 21-15 score te haraise, last eight te jagah pai loise.
Eki logot, 19 saal laga Anmol Kharb bhi quarter-finals te aghe jaise. Malaysia laga Goh Jin Wei logot pre-quarterfinal match kheli thaka time te, Anmol opening game te 12-4 te lead kori thaka time te Goh Jin Wei match chari dise. Etu karone Anmol ke winner declare kori dise aru quarter-finals te qualify kori dise.
Etu result logot, Ashmita aru Anmol duijon bhi tournament te India laga challenge aghe loi jai ase, aru semi-finals laga jagah nimite lorhai koribo.
