Washington, 19 February : Ashwin Ramaswami toh first Indian-American from Gen Z huishey kun ekta state nahuiley federal legislature karney US dey pulai asey, jawaan politicians laga notun breed itu community para ulai thakia indicate kurina.
Ramaswami laga maa paap US dey Tamil Nadu para 1990 dey immigrate kurishey. Generation Z (Zoomers) 1997 aro 2012 maju dey jonum hua khan ke kui.
“Mui (Georgia) State Senate karneh pulai asey mui laga community ke wapis diwoley. Mui sob manu ke eki opportunities diwo mun asey kuntu mui dangor hui thakia paishey,” Ramaswami, 24, PTI ke ekta recent interview dey kuishey.
Ekta second-generation Indian-American kun para software engineering, election security, aro technology law aro policy research dey ekta career panaishey, Democratic party dey State Senate karney Georgia laga District 48 dey pulai asey.
Ramaswami toh ekta Democrat asey aro tai incumbent Republican Shawn Still ke replace kuriboley phabna asey, kun former President Donald Trump logot indicted thakishey, January 6 insurrection karney US Capitol dey.
Juti tai elect huishey kuiley, Georgia dey tai agey Gen Z State Senator huwo aro khali Georgia state legislator kun logot computer science aro ekta law degree tuita bhi thakibo. Itu kuriley, tai Georgia State legislature dey agey Indian American huina barriers phangawo.
