Dubai, 11 September : Asia Cup 2025 te, India UAE ke 9 wicket pora harai dise group A laga match te juntu Dubai te khelise. India aru UAE laga itu match hoise fourth-shortest completed T20I juntu ekta full-member side involve kori thakise.
Motamoti pura match 106 delivery cholise, juntu record 93 ball pora 13 ball besi hoise. India, 58 target chase kori thaka time te, sirf 4.3 over te jeeti jaise, aru ekta wicket hi harai se. Abhishek Sharma bisi dangor role loi kene 16 ball te 30 run marise, aru Shubman Gill 20 run score kori India ke comfortable finish line cross kori dise.
Surute, India bowl koribo decide kori thakise aru UAE ke sirf 57 run te dismiss kori dise 13.1 over te. Kuldeep Yadav ball logot star performer thakise, 4 wicket loi kene, itu majot ekta over te 3 wicket uthai dise. All-rounder Shivam Dube bhi bisi effective thakise, sirf 10 delivery te 3 wicket loi dise. Itu karone Suryakumar Yadav laga team Group A laga first match te dangor jeet uthai lobo. Jasprit Bumrah bhi impact kori dise, UAE opener Alishan Sharafu ke ekta toe-crushing delivery di kene off-stump girai dise, aru UAE laga promising start khotom kori dise.
Aji, Group B laga match Bangladesh aru Hongkong majot kheli jabo, Sheikh Zayed Stadium, Abu Dhabi te, raat 8 baji IST pora.
Add Comment