Rajgir, 27 August : Matro tin din baki thaka time te 12th Men’s Asia Cup Hockey Championship Rajgir, Bihar te hobo, aru etu dangor sports event laga tayari pura swing te chali ase. Rajgir Stadium, state-of-the-art facilities logot, dui ta AstroTurf ground logai furnish kori loise. Aath ta team majot, India ke chari Malaysia, Japan, South Korea aru China laga team khan already Rajgir punchi goise. Kazakhstan aru Bangladesh laga team aji punchibo, aru Chinese Taipei laga team Wednesday din punchibo.
Sob team khan practice match continuously khelile ase. Etia, spectator khan laga karone arrangement kori loise ki match khan free of cost dekhibo para online booking dwara. Etu karone, Hockey India TicketGenie app te booking available kori dise. Bihar State Sports Authority laga Director General Ravindran Shankaran inform kori dise ki, aji sakale booking khulile 10 minute bhitor te sob match laga first round laga ticket khan pura book hoi jaise.
Spectator khan laga etu enthusiastic response dekhaise ki taikhan laga Asia Cup Hockey te dangor excitement ase. Etibar, Asia Cup Hockey Championship promote koribole karone Trophy Gaurav Yatra, state laga 38 district majot 37 district te laga journey pura kori loise.
Add Comment