Bihar, 4 September : Second Super 4 stage match te India aru Korea laga Asia Cup Hockey Championship te kali rati Rajgir Sports Complex Stadium, Bihar te khelia 2-2 draw hoise. India first half te bisi joldi ekta goal marikene 1-0 lead loi thakise, kintu khel barikene India laga momentum aru rhythm komi jaise. India duita tinta penalty corner pai thakilebi, Korea laga majboot defence karone convert kuribo parianai.
Dusra side te, Korea bhal chance uthi loikene ekta penalty stroke aru ekta penalty corner convert kori thakise, aru 2-1 te lead loi thakise. Third quarter khotom homoite India trailing thakibole bhi, Mandeep Singh laga ekta dangor field goal karone score barikene 2-2 equalise hoise. Itu draw karone duita team ek-ekta point paise.
Etiya, Super 4 stage laga dusra match te India, tournament laga ekta dangor team Malaysia logot aji rati khelibo. Itu match Rajgir International Stadium te rati 7:30 baje shuru hobo. Ajir dusra Super 4 match te China aru Korea logot samna hobo. Itu match 5 baje shuru hobo. Super 4 stage te top duita team final te qualify koribo, aru final 7 September te hobo.
Add Comment