Rajgir, 6 September : Asia Cup Hockey Championship jun Rajgir, Bihar te cholise, Saturday din Super Four laga final stage pounchi ase. Super 4s laga agey match Korea aru Malaysia majote cholise, juntu te ekta intense contest dekhi paise. Second quarter te pounchibole, Malaysia Korea ke 2-1 te lead kuri ase. Itu majot, India team khan second Super Four match te China logot kheli bole ase. India vs China laga match ajir rati 7:30 te khelibo.
Semi-final aru final matches khan kali khelibo, aru aji result upor te depend kori semi-final te jabo team decide hobo. Final match kali rati 7:30 te Rajgir International Stadium te khelibo. Super Four stage te India points table te top kori ase, 4 points thaki. Itu majote, 5th aru 8th place classification match te Kazakhstan ajikali Chinese Taipei ke 6-4 te harai dise. Kazakhstan, jun pool matches te dangor dangor haar paise, taikan karone ajikali Chinese Taipei upor te paise itu ekta relief laga victory.
Add Comment