Dubai, 27 September : India Asia Cup Cricket te Sri Lanka ke harai dise kali Super Fours laga last match te Dubai te, ekta dramatic aru intense Super Over laga pichete, aru tournament laga final te unbeaten pohonchi se. Itu jit te, Men in Blue laga winning streak choyta match te extend kori loi se. India final te qualify kori loi thaka te Sri Lanka duita Super 4 game hara pichete eliminate hoi ja thakilebi, kali dead rubber Super Fours clash itu saal laga tournament te sabse exciting game boni jaise, karon match tie hoi ja pichete Super Over te ghusi jaise.
Super Over te, left-arm pacer Arshdeep Singh duita wicket loi Sri Lanka ke matro 2 run te restrict kori dise. India ke jitibo nimite 3 run darkar thakise, aru prothom ball te hi win pull off kori loi se. Itu laga age, India ke batting kori bole pathai diya te, team 20 overs te 5 wicket harai 202 run score kori se. Abhishek Sharma India laga highest scorer thakise, 61 run banai. Reply te, Pathum Nissanka ekta dangor century marise, aru Sri Lanka India laga 202 run score 20 overs te tie kori dise. Pathum Nissanka ke Player of the Match declare kori dise. India Pakistan logot Summit Clash te face koribo Dubai te kali. Match 8 PM Indian Standard Time te start hobo.
Add Comment