Bangkok: Tuesday Asian Championships laga men’s recurve individual event te Indian archer Atanu Das pora bronze chitise. Das, Indian federation laga suspension nimede World Archery flaglaga under te neutral athlete te khili kena, Korea laga Jin Hayek Oh ke 6-5 pora bronze medal match te harai dise.
Monday te tai pora recurve mixed team event te Deepika Kumari logot te bronze chiti kena ase.
Das senior pro Tarundeep Rai aro Jayanta Talukdar logto te team kuri kena China ke 6-2 pora bronze medal te harai dise.
Etu biche te Indian recurve women’s team te Deepika Kumari, Laishram Bombayla Devi aro Ankita Bhakat khan pora Japan ke 5-1 pora harai di kena aro bronze medal chitise. Etu teenjun olap ake te heavyweights Korea logot 6-2 pora semifinals te kiri kena dhakise.
Top seeds Abhishek Verma, Rajat Chauhan aro Mohan Bharadwaj khan Iran ke 229-221 pora harai di kena gold medal clash te second seed Korea logot compound men’s team event te khilibo.
Jyothi Surekha Vennam, Muskan Kirar aro Priya Gurjar khan pora bhi Iran ke 227-221 pora harai di kena women’s team final te top seed Korea logot te log kuribole ase.
Mixed pair Verma aro Jyothi duijun final te jai kena ase, aro tai khan Chinese Taipei logot te khilibole ase.
Add Comment