November 17, 2024: Sangita Kumari, Chinese defenders kan react nakura agae deh jani taki shae. Sushila Chanu, midfield deh ball tho pab oleh ase kui nah diki shae aro former captain para taike elta drill pass dibo ase kui nah jani taki shae. Tai jani taki shae, tai nijor karne ekta chutu jaka banai shae koiel tho, tai defence keh duri bole pari bo kui nah. Enaka hui nah, ekta ekdum bhal move deh Sangita para india keh lead deh rakhi di shae, deadlock deh banga bole. Tai para etu goal tho 32nd minute deh gusai shae. Etu tho rati laka highlight taki shae. India para Asian Champions Trophy deh, China keh 3-0 harai di shae. Taikan etu jiti nah chartha matcha para charpar jiti shae aro standings laka top deh jai shae. Salima Tete para 27th minute deh 2-0 banai di shae. Deepika para final seconds deh 3-0 banai di shae, penalty corner para score kuri nah. China kan reigning Olympic Games silver medalist ase, Paris deh fairy tale run kura piche deh. Hoile b squad tho change kuri nah Bihar deh ahi nah ase.
Asian Champions Trophy, Hockey: India kan China keh harai di shae
Add Comment