New Delhi, 8 June : Yuvraj Sandhu aru Aditi Ashok Asian Games 2026 laga India golf team te select hoise
Yuvraj Sandhu aru Aditi Ashok India laga six-member golf team majot ase, juntu Asian Games karne select hoise. Tournament tu etu saal Japan laga Aichi-Nagoya te hobo.
LPGA Tour regular player Aditi para 2022 Asian Games te China laga Hangzhou te individual silver medal jitise.
Men’s squad te Yuvraj Sandhu (world No. 451), Veer Ahlawat (world No. 558) aru Saptak Talwar (world No. 576) ke include korise.
Women’s squad te Aditi Ashok (world No. 135), Diksha Dagar (world No. 221) aru Pranavi Urs (world No. 270) ke Indian Golf Union para select korise.
Men’s aru women’s golf events khan September 30 pora October 3 porjonto Kasugai Country Club East Course te hobo.
Indian Golf Union, juntu Brijinder Singh para lead kori ase, para koise ki Asian Games selection policy hisab te entries decide korise.
India para etiya Asian Games golf te tinta gold medals aru tinta silver medals jitisey.
