Bangkok, 11 August : India laga jawan mahila boxer khan U19 Asian Boxing Championships 2025 te Bangkok, Thailand te Sunday din Continental boxing te nijor dangor power dekha dise. Nisha (54kg) aru Muskan (57kg) gold medal jitise aru paanch jon silver medal loise.
Men’s final te, Rahul Kundu (75kg) split decision te Uzbek dangor player Muhammadjon Yakupboevek ke harai ekta aru medal add kori dise, juntu India laga total medal 14 te loi dise — tinta gold, saatta silver aru charta bronze. U19 te mahila category laga dus jon boxer majote, nojon medal loi wapas ahibo — tinta majote duita gold, paanchta silver aru duita bronze — juntu dekhai dise ki India Kazakhstan, Uzbekistan aru China logot ekta emerging powerhouse hobo laga status te ase.
U19 aru U22 Asian Boxing Championships ek sathe hobo karone, India laga rising star khan ke Asia laga toughest opponent khan logot nijor skills aru determination dekha bole ekta dangor platform dise. India total 40 jon boxer pathaise — duita age group te 20 jon kori — juntu majote proven champions aru domestic circuit te impress kora potential talent khan bhi ase.
Nisha India laga gold medal account second bout te khuli dise juntu te tai China laga Sirui Yang logot fight te third aru final round te dominate kori 4:1 win loise. Muskan bhi pichete dusra gold loi dise, aggressive approach logot Kazakhstan laga Ayazhan Ermek ke harai 3:2 split verdict loi. Men’s te Rahul Uzbek laga Muhammadjon logot 75kg final te confident performance dekha dise aru 4:1 te jitise.
India U22 category te bhi 13 medal confirm kori dise, juntu majot paanch jon Monday din gold laga fight koribo.
Dusra mahila boxer khan majot, Vini Uzbekistan laga Sevara Mamatova logot 60kg final te haraise, aru Japan laga Arinda Akimoto Nisha (65kg) ke 4:1 te harai dise. Higher weight category te, Aarti Kumari (75kg) China laga Tongtong Gu logot haraise, Kritika Wasan (80kg) last round te try korile bhi Kazakhstan laga Kuralay Yeginbaikyzy logot 2:3 te haraise, aru Parchi Tokas (80+kg) bhi Uzbekistan laga Sobirakhon Shakhobidinova logot eki margin te haraise.
Men’s te, Mausam Suhag (65kg) Uzbekistan laga Jakhongir Zaynidinov logot haraise, aru Hemant Sangwan Kazakhstan laga Rassul Assankhanov logot haraise. Yashika (mahila 51kg), Akanksha Phalaswal (mahila 70kg), Shivam (men’s 55kg) aru Gaurav (men’s 85kg) bronze medal paise.
Add Comment