Nagaland tu ekta ekdam alag jaga asey. Aro etu te thaka manu khan khan bi ekdam alag asey- khas kurikina youth khan. Etu tu ekta bodli hoi thaka aro ekey homoitey shanti jaga asey; masoom hoilebi tej. Amikhan laga youth para eman bisi badha(diktar) thaka tu dikhi thakibo parey. Hoilebi taikhan logotey etya tak bi nutun ucchayi chubole laga kabiliyat asey. Etu duniya te, jitya ekjun manu tu ekta martool hoikina thakibo parey, jawan Naga manu khan logotey etya tak bi utu kabiliyat asey kuntu logotey taikhan para ekta bisi bhal bodli anidibo parey. Etya, judi apni para taikhan ke taikhan laga jibon laga sobsey jaruri issue(mudda) laga bari te hudisey koiley, taikhan bisi jun tu nirash huwa aro poisa nohoilebi saman khan laga bari te jawab dibo. Hoilebi, taikhan ke etu laga bari te bhabna kuribole homoi dibi aro taikhan para apni ke ekta expect nokora jawab dibo. Kilemaney Nagaland laga bisibhak youth khan nimitey, taikhan laga jibon laga sobsey dangor issue(mudda) tu Nagaland te thaka taikhan laga jibon asey. Sob youth logotey nijor nijor laga priorities asey. Kunba nimitey taikhan laga career sobsey jaruri asey; kunba nimitey taikhan laga ama-baba aro dusra khan nimitey tu nijor hey sobsey important asey. Hoilebi, sob jawan manu khan nimitey sob preference tu ekta ekey khirki laga through para sai. Etu khirki tu Nagaland laga taraf te sa laga khirki asey. Ekta doctor hobole mon thaka manu tu Nagaland te tailaga future kinaka hobo etu chinta kuri asey, ekjun baccha tu tailaga life enjoy kuribole mon asey aro tailaga jarurat pura kuribole nimitey etu jaga laga taraf te sai; aro ekjun student tu tailaga yatey laga jibon laga bari te bhabna kuri thakey. Khata kurikina koisey koiley. sob laga iccha, prathana aro sob complaint te Nagaland ahey. Amikhan laga youth para etu manibole inkar kurikina dusra issue(mudda) nimitey faisla kurisey koilebi, hosa tu etu asey ki taikhan sob jun nimitey Nagaland tu asli mudda asey. Apni para etu jawab tu rajya laga hi-fi kurikina thaka youth khan para napabo, kun nimitey taikhan laga iPod aro mobile khan asol mudda asey aro kun laga pura jibon tu technology laga online duniya te aatkikina asey. Hoilebi etu khan ekla para Nagaland laga awas form kora nohoi. Rajya laga asli youth khan football aro volleyball tu bhanga bhangi ground te khili asey taikhan laga ghor laga aas-paas te thaka ground khan te. Taikhan laga awas tu eman jur nohobo parey, hoilebi bisi jaruri asey- kilemaney taikhan hey Nagaland laga asol youth asey. Umar hoija manu khan nimitey etu tu misa misi kotha nisna lagibo parey, hoilebi hosa tu etu asey ki youth khan taikhan laga jaga laga bari te chinta asey. Etu bhanga bhangi rasta khan para youth khan ke affect korey; rajya ke cover kurithaka gaas harai thaka para youth ke affect korey. Aro last te, jitya apni para dangor picture te sabo, bisi bhak youth tu taikhan laga ghor laga bari te bhabna kuri thakey. Dangor manu khan para koi thakibo parey ki ajikali laga youth te eku bi kuribole laga josh nai hoilebi ekta caterpillar te enaka eku bi nathakey kuntu para etu tu ekta butterfly(titli) hobole asey koikina dikhai. Amikhan laga jawan manu khan tu taikhan laga bisi bhak homoi kitab aro homework te bitai aro enaka kurikina taikhan ke etu para bahar te thaka duniya laga bari te bhabna kuribole homoi napai. Hoilebi taikhan ke homoi disey koiley taikhan tu hodai action te ahibole tayar thakey.
Nagaland laga sob youth laga bhitor te ki asey koiley etu jaga ke sob manu nimitey ekta swarg(heaven nisna) banabole laga iccha asey.
Add Comment