Guwahati, July 19, 2026: Ekta 13 sal mota mure she, aro tai laga tinta ghor manu jokhom pai she, ekta autorickshaw toh Patharkand-Ratabari rasta te para 200 ft laga rangkhan te gerea piche, Assam laga Sribhumi district te, Saturday laga sam phane. Bacha laga nam toh Mehbood Hussain thake she. Tai laga ma, Yarun Nessa, uncle Shakil Ahmed, aro tai laga buri ama Lodi Bibi khan be jokhom pai she accident te. Yarun Nessa aro Shakil Ahmed ke Silchar Medical College and Hospital te loi jai she. Aro Lodi Bibi ke Karimhanj Civil Hospital te loi jai she. Police khan laga hesab te, utu ghor manu khan toh kandan laga ghor ja piche, ghor wapas ahe thake she. Gari toh control napai jai she ekta sharp turning marea homoi aro rangkhan te gere jai she. Local manu khan accident laga awas huni kena juldi jai she aro bacha bole khushesh kure she. Ratabari Police Station laga manu khan be ahe kena muduk kure she aro hospital te loi jai she.
Assam: 13 sal bacha mure she, autorickshaw toh 200 ft rangkhan te gerea piche, Sribhumi te
