Guwahati, April 7, 2026: Richter scale te 4.8 laga earthquake ahe she Assam laga Hailakandi district te, Tuesday laga sam phane, Barak Valley laga kumba jaga khan te manu khan ke munduk pabole de she.
National Center for Seismology (NCS) laga hesab te, earthquake toh 14:18 IST te ahe she. Etu laga epicenter toh 24.823 degree N aro longitude 92.634 degree E te thake she, aro etu toh 5 kilometer mati laga betor te thake she.
Enia eman dangor naho earthquake khan toh 70 km mati niche khan te ahea, sob se beshe helea toh mati opor te jane bole parea koi she.
Etia etioa report toh pa nai, manu khan jokhom ho nahoile building khan bea ho laga. Hoile be local manu khan report kure she ghor khan olop hele she, aro manu kumba toh ghor laga bahar te olai jai she safety karne.
Assam toh ekta zone te ase, kute beshe earthquake ahea. NCS khan para public khan ke update khan sai thake be koi she tai khan laga official BhooKamp mobile app te para.
Add Comment