Assam airports te mandatory testing lobo

April 14, 2021. Assam te COVID-19 cases besi uthi-thaka nemite State Government para Assam airports te bahar laga travelers khan ke COVID-19 test lobo koikena junaishe. Assam airport pongcha bechete air travelers khan toh tuita(2) RT-PCR aro Rapid Antigen Test lobo lakibo. Hoilebi transit passengers khan logot toh COVID-19 testing loboli kam nai koishe. Etu khobor toh Assam Health Minister Himanta Biswa Sarma para koishe ke, “itya para toh Assam airports te air passangers bahar state para aha khan ke Covid-19 test (tuita(2) RAT aro RT-PCR) toh koriboli mandatory ase hoilebi, transit passengers khan nemite test koriboli kam nai,” koikena Assam Health Minister Himanta Biswa Sarma para janaishe. Assam Health Department laga notun notification hesab te passengers khan ke Rapid Antigen Test nemite poisa eku charge nakoribo. Hoilebi, RT-PCR test nemite Rs, 500 neshina olabo. “jodi RAT (Rapid Antigen Test) toh positive hoile, passengers khan toh ghor te isolation te bohibo nahoile private hospital nahoile Government Health institution te admitted koriboli lage aro etu manuh khan laga medical condition hesab te ase,” koikena Assam Health Department laga notun khobor para junaishe. “jodi RAT toh negative hoile, passengers toh airport te RT-PCR test Rs, 500 para koribo.