July 5, 2024: Assam laka Guwahati deh dangor ekta landslide hui shae aro landslide hua tho ekta 35 sal laka ama aro tai laka 14 sal laka bacha keh murai di shae. Landslide tho Friday din deh hui shae aro taikan laka ghor deh lakai di shae, police para kui shae. Etu incident tho Guwahati laka Jorabat jaka deh hui shae, 6am phale, kandan manu laka isap deh. “Upor para mati giri jah time deh taikan ghor deh gumai taki shae aro mati aha tho mukan laka ghor bangai jai shae,” taikan para kui shae. Muri jah manu laka nam tho Rumi Das aro taila bacha, Campak Das ase kui nah identify kuri shae. Kandan manu laka isap deh, Rumi aro taila tuita bacha, Champak aro Rimas Ras tho, bangi jah ghor laka niche deh dabi nah taki shae aro locals kan kun baja bole karne ahi shae, taikan khali maike bacha keh heh tani bole pari shae. Rima laka hath tho hili taki shae aro mukan carefully tai keh recover kuri di shae. Mukan para police keh b kobor tho janai di shae, ekta local para kui shae. Police para ekta State Disaster Response Force (SDRF) tho action deh jai shae kui shae. Taikan para Rumi aro Champak laka bodies recover kuri shae. Taikan sob keh, Guwahati Medical College And Hospital (GMCH) deh lui jai shae, kuteh doctors kan para Rumi aro Champak tho muri jai shae kui nah declare kuri shae. Police para Rumi tho treatment lui ase kui shae.
Assam: Ama aro bacha landslide deh muri jai shae
