October 29,2020: Assam doctors khan tai khan laga kaam toh mondikena kaam kuri ase state te COVID-19 pandemic ola pichede.
Etu te kunba doctors khan tai khan laga 100 per cent di ase ek jun manu laga jeevan bachabole nimete aro bishi wala doctors khan COVID-19 para murishe kaam kura samay te.
Hoilebi etia janaishe ki kunba doctors khan thankaa napaikena ase bishi samay para enika chamela samay te.
Pratyush Mahanta Assam Medical College and Hospital Dibrugarh, laga ekta doctor para tweet te koikena janaishe ki tai ke 89 days laga thankaa paanai.
Etu notice diya laga noksa dikhaikena hostels khan khali kuribole nimete doctor para koikena janaishe”thankaa napaikena din -89 din aro etia ekta notice paishe ami khan laga hostels toh khali kuribole nimete.
Doctor para tai laga tweet te aro bi state health minister aro health department laga alag alag dusra functionaries kan ke tagged kurishe.
Olop akhe te government para manishe etu classes shuru kuribole nimete aro etu passed out post-graduate doctors kun khan ke government para loishe COVID-19 patients khan ke modot kuribole nimete tai khan ke tai khan buibole jaka toh AMCH hostel laga bahar te bondobos kuribole janaishe etu bi November moina laga akhe haafta phaneh etu para 1st year Post-graduate students aro dusra wapas aha undergraduate students khan ke rakhibole paribole nimete.
Etu te kunba doctors khan dukh pai thakishe COVID-19 wards te duty thaka nimete aro hostel toh November moina bithor te charibole nimete kuwa toh thik nai.
PD doctor AMCH ke koikena janaishe”ami khan laga duty toh hudai kuri ase aro ami khan kunba toh duty kuri ase thankaa napaikena aro etia government para ami khan ke koishe November akhe haafta para hostel toh khali kuribole nimete.ami khan etu order te khushi paanai.”
Etu te kunba twitteritis khan government ke khushi napaikena government ke etu chamela toh sabole nimete koikena janaishe.
Add Comment