Assam: Amit Shah Guwahati punchi she, dua din laga official visit karne, tai pragjyotishpur Medical College inaugurate kure bole ase

Guwahati, March 15, 2026: Union Home Minister Amit Shah Guwahati punchi she Saturday, March 14 laga sam phane, tai laga official visit karne Assam te, kute tai alak alak developmental aro political programmes te jabole ase koi she. Shah Lokpriya Gopinath Bordoloi International Airport, kunto Borjhar te ase, tateh land kure she, Ludhiana te para special flight loi kena. Tai ahea homoi, beshe BJP laga senior leaders tai ke lobole ahe she. Union Minister Sarbananda Sonowal, Parliament laga member Kamkhya Prasad Tasa, Assam BJP president Dilip Saikai, aro Chief Minister Himanta Biswa Sarma khan tai ke lobole ahe she. Tai ahea piche, State Guest House te jai she, kute tai buhe bole ase Assam te thakea homoi. Sunday laga phojor te, Union Home Minister para Pargyotishpur Medical College toh inaugurate kure she Guwahati te. Aro utu din laga sham te, Shah toh Bharatiya Janata Yuva Morcha, youth wing, para organise kurea conference te jai she. Kute state laga alak alak jaga te para party workers aro youth khan ahe bole ase.