April 28, 2021. Aji pujur Assam aro dosura Northeast States te tangor earthquake ahishe. Earthquake toh 6.7 richter scale te marishe. Epicenter latitude / longitude: 26.81°N / 92.42°E (Dhekiajuli, Sonitpur district Assam) thakishe. Assam laga jaga besi te ghor saman beya howa aro ghor buildings te cracks howa khobor paishe, hoilebi manuh mora nahoile jokom kora khobor thaka nai. Guwahati te Taj Vivanta Hotel aro Taj VivantaTaj Vivanta te be ghor beya howa khobor paishe. Aro etu earthquake para Assam laga jaga besi te ghor cracks kora khobor thakishe. Aftershocks toh North Bengal aro osor countries neshina Bangladesh, Mynamar, Bhutan aro China te hoishe. Assam CM Sarbananda Sonowal para koishe ke, “Assam te tangor earthquake ahishe. Manuh sob logot alert thakiboli janaishe aro tai para bhal hobo nemite parthana korishe. Assam Minister Himanta Biswa Sarma para koishe, “Assam te earthquake experience hoishe.” DoNER Minister Jitendra Singh para Assam CM Sarbananda Sonowal logot kotha kora samai, Assam te earthquake toh jaga besi te tangor ahishe, hoilebi gopal bhal te manuh logot eku howa nai, kali ghor beya hoishe. State administration para Centre logot khobor loi ase koishe.
