Assam-Arunachal para district-level committees bonaishe

GUWAHATI: Assam aro Arunachal Pradesh pithor te Chief Minister-level meeting toh second time nemite aji Koinadhara State Guest House te thakishe aro etu meeting te tuita(2) states te be district-level committees bonaikena border jamila thaka toh kotom koriboli fesla korishe. Assam Minister Atul Bora para etu meeting samai samil thakishe aro tai para aji laga meeting te  important aro historic kotha koishe. Assam aro Meghalaya border jamila beche itya Assam-Arunachal border toh besi joldi kotom koribo. “aji laga meeting te 123 communities samil hoikena thakishe. 10-12 din pithor te 12 regional committees bonabo. “district committees para joint surveys loikena besi saal para historical perspective, ethnicity, proximity aro manuh laga bapana issue toh tiuta(2) states pihtor te kotom koribo,” koikena Atul Bora para junaishe. Etu conference samai Committees laga kam toh be kotom korishe. Arunachal Pradesh para Assam laga 6 districts land loikena ase. Arunachal state para sob melaikena 8395.25 hectares loikena ase. Sonitpur 1.08 hectare, Biswanath 4751 hectare, Lakhimpur 1975.41 acre, Dhemaji 1055.74 hectare, Dibrugarh 10 hectare, aro Charaideo 602.01 hectare, etu jaga toh Arunachal para Assam laga land loikena ase. Etu meeting samai Assam Chief Secretary Jishnu Baruah, Arunachal Pradesh Chief Secretary Naresh Kumar aro tuita(2) states laga top officials be samil thakishe.