Assam: Autopsy para teentha Hmar youth deh bruises kan dikai shae

August 9, 2024: Teentha Hmar youths, kun kan allegedly Assam Cachar district laka police firing deh muri jai shae, taikan laka post-mortem report deh taikan, burises aro alak jokom kan pai nah taki shae kui nah dikai shae, taikan namura agae deh. Teentha youths laka kandan karne advocate kan, kun kan taikan tho ekta staged encounter deh muri jai shae kui nah Gauhati high court keh approach kuri shae, taikan para court keh reports para taikan laka claims keh confirm kuri shae kui shae. Teentha suspected Hmar militant-  Lakhipur para aha Lallungwai Hmar, 21 aro Lalbikung Hmar, 33 aro Churachandpur para aha Joshua, 32 tho July 17 deh murai di shae, Cachar police para taikan keh arrest kuri dia piche deh. Police laka isap deh, trio tho ekta operation deh muri jai shae kui shae, alak militants kan lokot deh crossfire kura time deh. Police version keh counter kuri nah, kandan para bodies laka possession lobo leh manah kuri shae, kuto Slichar Medical college hospital deh taki shae. Nalui nah taikan ekta probe lubo mun jai taki shae, kinaka taikan muri jai shae kui nah. Wednesday din deh petitioners kan karne ahi nah, advocate Colin Gonsalves para taikan tho post-mortem report para satisfied ase kui shae. Tai para kandan manu kan taikan laka last rites karne taikan laka bodies keh custody deh lubo leh eku objection nai kui shae. Hoile b bodies deh bah jokom lak nature keh question kuri shae. Case tho huni nah, court para Assam government keh tuita hapta di shae, incident deh ekta affidavit file kuri bole aro September 10 deh case tho aro huni bole list kuri di shae.