Guwahati, February 8, 2026: February 7 te, 9 am phane, Prakash Kumar Shah, kun Nuniapatti te buhea, tai bike chola homoi ekta e-rickshaw logo te accident hoi she, tai laga bacha ke school poncha homoi. Mamla toh dangor hoi jai she, aro hath be otha shuru hoi she.
Shah laga bike toh ekta e-rickshaw para mare de she, registration AS 17ER 2029 thake she. Accident karne Shah aro tai laga maiki bacha rasta te gere she, osor thakea khna pare modok kure she, aro driver duta laga betor te jakara kurea shuru hoi she. Tai laga bacha ke school poncha piche tai Dhubri Sadr police station jai thake she complain register kure bole karne.
Tai ja homoi, manu kumba para tai ke Police Point No. 2 te rokhai she koi she, tai laga bike para hate bole de she, aro tai ke marea shuru hoi she. Tai laga shirt toh tai laga matha opor te hale de she eku be dekhe bole nade bo karne. Aro tai laga bike te be mare she koi she. Aro utu hamla kurea mnau khan para Shah laga hath para Rs 45,000 othai loi she, tai ke marea homoi. Etu piche te Shah toh Dhubri Sadar Police Station te FIR lodge kure she
Investigation khan etia ja ase, hoile be etia tuk kumbe ke dure nai koi she.
Add Comment