Assam BJP MLA Assembly pora resignation nakuribo

GUWAHATI | October 25, 2018 (PTI):Assam laga  Bharatiya Janata Party (BJP) MLA Terash Gowalla tai assembly pora resignation dianai .Etu bi dui din akhe tai pora  Chief Minister Sarbanand Sonowal ke resignation diya pichede . Mr Gowalla, hoilebi tai laga resignation Assembly speaker ke dianai  .Cheif Minister pora mui ke meeting nimete matise  juwa rati etu uporte kotha kubole nimete  .Tai pora kotha kurishe appointment laga aro alag alag communities khan ke lobole laga karne ,”Etu akhe wala koikena janaishe .”Cheif minister khushi paishe mui kuwa toh aro etu toh future te kotha khan kubo.Etu pora hi tai pora mui ke resign nakuribi koikena janaishe .Etu nimete hi mui manishe  .Mui tai ke ekta mail phutaishe  aro resign nakuribo koikena janaishe  . Mr Gowalla koishe. October 23, te  BJP legislator  pora koishe ki tai ke okobi dhyan dia nai   poila laga  Assam Gas Company Ltd (AGCL) laga appointment nimete.”Etu ekta reason ase .AGCL toh Duliajan te ase aro manu khan pora mui ke tai khan laga representative bonaishe  .Tai khan mui logote bishi expectation khan ase  .Mui logote okobi kotha nokoikena etu company te manu khan loishe .Mui apuni khan ke kuwa nohai etu post mui ke dibi koikena hoilebi mui logote ekbar toh kotha kubole lageh.