IANS | Guwahati, Dec 18, 2018Bogibeel bridge laga inauguration kuribole laga ek hafta bacha majote. Tai Ahom organisations Tuesday te bridge osor laga rasta bon kurishe. Tai Ahom orgs laga demand toh bridge laga naam “Bogibeel” bridge nohoi kena “Chaolung Siu-ka-pha” rakhibole koishe. Chaolung Siu-ka-pha” toh Assam laga former Ahom kingdom laga founder ase.
Rasta bon kuribole laga khobor toh Assam government para Northeast Frontier Railway (NFR) ke letter lekha piche ahishe. Etu letter te bridge laga naam toh “Birangana Sati Sadhani Setu” rakhi bole koishe. “Birangana Sati Sadhani Setu” toh Chutia community laga queen Sati Sadhani laga naam opor te ase.
Chutia community para government laga etu move toh kushi paishe. Hoile bhi Tai Ahom organisations etu te meli kena thaka Ahom Sabha, All Assam Tai Ahom Yuva Parishad, All Tai Ahom Students’ Union khan Thursday te rasta bon kuribo koishe. Etu ban toh government ke pressure dibo karne ase.
Ahom Sabha laga senior leader koishe bridge laga naam toh “Swargadeo Chaolung Siu-ka-pha” delae he bishi apt hub. Bishi samay agote para etu he ami khan laga demand ase. “Swargadeo Chaolung Siu-ka-pha” chari kena dusra eku bhi bhal choice nohubo. Tai para he ami khan ke etu jaga te thakibole unite kurishe.
State government para announcement nideya agote, ll Assam Chutia Students Union laga general secretary koishe Mohen Bora para threaten kurishe Bogibeel Bridge laga inauguration din te community laga bishi youths toh bridge para Brahmaputra nodi te jump kuribo. Judi tai khan laga demand tohh pura no kurile.
Etu sob majote Deuri community bhi bridge toh tai khan laga leader Bhimbor Deuri laga naam te rakhi bole koishe.
Bishi Mising organisations aro TMPK apex body koishe bridge toh “Swahid Kamala Miri” naam dibo lage koishe. Mising communities justify kurishe ke bridge nimite bishi mati toh missing community para dishe koishe.
Agote Dibrugarh constituency laga BJP MLA Prashanta Phukan koishe bridge toh former Prime Minister Atal Behari Vajpayee hesab te dibo lage koishe. Kile koile former Prime Minister Atal Behari Vajpayee northeast manu khan karne concern thakishe.
Former Prime Minister H.D. Deve Gowda para 1997 te bridge karne foundation stone dishe. Vajpayee para bridge laga construction kaam toh 2002 te inaugurate kurishe. Prime Minister Narendra Modi December 25 te bridge inaugurate kuribo ase. Bridge toh khali Dibrugarh aro Dhemaji districts he connect nokuribo. Hoile bhi etu para Arunachal Pradesh te troops aro supplies anibole strategic hubo.
Bridge toh Rs 5,920 crore cost ase. Etu toh 4.98-km lamba structure hubo.
Add Comment