Guwahati, February 12 : Assam laga sarkar para Monday din te “Mukhya Mantri Nijut Moina”(MMNM) scheme introduce kurisey kuntu para 10 lakh chukri laga hosla barabole plan kuri asey. Etu scheme laga under te etu chukri khan ke taikhan laga education ke higher secondary, graduation aro post-graduation studies tak continue kuribole dibole nimitey poisa laga modod dibo.
Etu scheme tu rajya te child marriage khotom kuridibole nimitey Government laga Mission ke support kuribole nimitey lagu kurisey.
Assam Finance Minister Ajanta Neog para Budget laga speech dithaka homoitey etu scheme laga announcement kurikina enaka koisey, “Class Eleven join kora sob chukri student khan ke Rs 10,000 laga admission incentive dibole asey. Etu nisna, first year graduation join kora chukri khan ke Rs 12,500 poisa dibole asey. Post-graduation nohoilebi Masters course laga first year te join kora student khan tu Rs 15,000 laga admission incentive pabole asey.
Tai para koisey ki etu poisa laga modod diya tu poila para already thaka subidha jaiseki free admission, scooty laga provision khan te addition asey. Ami para etu budget te etu schemenimitey Rs 240 crore poisa alag kurikina rakhibole propose kurisey.”
Assam Finance Minister laga speech te enaka koisey, “Judi 10 lakh chukri baccha ke graduation aro post-graduation tak puribole encourage kurisey koiley, etu para Matriculation(Class 10) laga opor te bi pora likha chukri laga percentage baraidibo. Taikhan tu etu subidha nimitey titya hey eligible hobo judi taikhan kunba government college/education institution te puri asey.
Add Comment