Guwahati, September 15, 2026: Army aro Assam police khan mele kena ekta operation kure she, kute tai khan bunduk, aro guli pai she, Assam laga Tinsukia district te, officials khan para enia koi she.
Jankari pai kena, security forces khan ekta joint operation shuru kure she Kakopathar laga Kathbasti te, Monday laga rati te, aro Mohammad Challuddin ke geraftar kure she.
Operation te tai khan ekta bunduk aro charta live guli pai she. Police khan chaku, duata mobile phone, cash aro alak saman khan pai she jaga te para.
Preliminary report laga hesab te, bunduk toh anti-social activities, chor kurea nahoile alak manu ke beka bole chola ase. Hoile be hosal reason toh jane bole pare nai. Authorities khan etia be Challunddin laga permanent address toh jane bole pare nai.
Police aro Army khan etia be investigation kurea ase, bunduk toh kute para ahe she aro ki laga kam te chola bole thake she jane bole.
