Assam cabinet para cow protection bill approve korishe

July 9, 2021. Assam Cabinet para cow protection bill toh approved korishe aro next Assembly session te introduced koribo neshina ase. Assam minister Pijush Hazarika para koishe ke, Assam Cattle Preservation Bill, 2021 toh next Assembly session samai introduced koribo aro etu session toh July 12 darik para soruh hoboli ase janaishe. “Government para bill toh akhe din para janaikena ase, hoilebi Wednesday din te approved korishe aro itya etu nemite next session samai introduced koriboli ase,” koikena Pijush Hazarika para janaishe. Etu bill te dosura bahar State te cattle tansport koriboli mana koribo koishe. Bill introduced kora toh hoile Bangladesh te illegal cattle smuggling rokaboli bapana te bona ase koishe. Hoilebi, etu bill laga neum toh ke thakibo janiboli ase. Etu samai, Assam Government para cow protection bill introduce kora toh dosura northeast states nemite besi tangor bapana ase. Besi wala dosura northeast states te cattle kaboli anai toh Assam state para aha laga ase. Aro jodi etu bill toh Assam te passed hoile, dosura northeast states nemite mongso toh besi komti thakibo koishe.