Assam Cabinet para Orang National Park te Rajiv Gandhi hatabo koishe

GUWAHATI: Wednesday din te Chief minister Himanta Biswa Sarma-led  Assam Cabinet para Assam’s Orang National Park te Rajiv Gandhi (former Prime Minister) laga nam hataboli fesla korishe, koikena khobor para janaishe. “Rajiv Gandhi Orang National Park laga nam toh Orang National Park te putli koribo, etu fesla toh Adivasi aro tea tribe communities para demand kora nemite ase koikena, chief minister Sarmna para Assam Cabinet fesla toh janai thishe. Cabinet para aro fesla loishe ke,  sportspersons boxing champion Jamuna Boro aro archery champion Sanjay Boro ke Excise Inspectors juniboli koishe. “tai khan ke appointment letters toh September 3 darik te thibo aro etu din toh Arjun Bhogeswar Baruah’s birthday occasion toh State Sports Day manibo,’ koikena CM Sarma para aro janaishe. Assam Cabinet para aro Silchar Medical College & Hospital te specialist neurosurgeon Dr Sambuddha Dhar laga appointment toh be manishe. Assam Cabinet laga fesla oper te monjur nahoikena, Congress leader aro Kaliabor MP Gaurav Gogoi para tai laga Twitter handle te koishe ke, jodi Assam te next government toh Congress ahishe koile, itya BJP government laga fesla toh cancel koribo. “ketai Assam te Congress Government ahibo, 1^st din te BJP government laga fesla te former Prime Minister Rajiv Gandhi laga nam Orang National Park para hataboli thaka fesla toh cancel koribo. Indian culture te sacrifice kora manuh khan ke saman koriboli koikena ase,” Gaurav Gogoi para janaishe.