Guwahati, September 29, 2025: September 27 laga rati te. Police aru Banduk thakhea laga Gang khan majote banduk para larai kurishe koishe. Etu toh Assam-Meghalaya Border osor te ase koishe. Yete Charta Dacoits murishe koishe.
Authorities khan para koishe ki. Etu gang members khan toh Local Business kurea manu ke loi jabole thakhishe koishe. Aru Security Forces khan khobor hunni kina tarika kurishe koishe. Etu Operation toh Goalpara SP Navaneet Mahanta aru South Salmara-Mankachar SP Abhilash Barua para led kurishe koishe.
Police khan para koishe ki. Etu manu khan toh guli marea suru hoishe koishe. Taikhan laga team khan osor jaishele. Yete Duita Gang member ke toh jaga para murai dishe koishe. Aru alak duita toh bia para jokhum hoi kina. Olop pichete Dhupdhara Model Hospital para murishe koishe.
Etu murea manu khan toh Mukunda Rabha, Subur Ali, Zahidul Islam aru Chengbat Marak ase koishe. Aru Investigators khan para Pistols, Pistol laga Guli , Hari aru bishi mobile khan bipaishe koishe.
Add Comment