Assam citizen list te nathaka khan ke wapas phutabi

GUWAHATI, SEPTEMBER 11, 2018: Monday te  BJP general secretary Ram Madhav  koishe manu khanb Assam-specific National Register of Citizens te nathaka khan  ke tai khan laga desh te wapas phutai dibo.Aro cheif minister Sarbananda Sonowal koishe NRC toh India desh laga sob jaka te chulabole lage . ‘NRC: Defending the Borders, Securing the Culture’, laga seminar te kotha kuwa time te Sonowal koishe India desh laga manu alag alag opportunities pabo citizenship dikhabole nimete aro tai khan laga naam NRC laga final list te dhalikena .”NRC toh desh laga sob jaka te chulabole lagibo etu ekta kagooz ase India desh laga manu khan ke bachabole karne .Assam laga NRC te nathakile toh dusra jaka te jabi .Etu nimete ami khan ekta dangor step lobole lagibo,”Tai  pora koishe seminar te  .Etu seminar toh   think-tank ‘Rambhau Mhalgi Prabodhini’ pora loishe .NRC update toh Supreme court monitored exercise ase Assam te India desh laga manu thaka ,Etu te komti hoilebi  40 lakhs manu khan July 30 te ola draft list te nathaka ,Etu pora poltical chamela olai she .Etu seminar te Madhav koishe ki NRC toh hudai olai ase   ‘Assam Accord’ 1985 te signed kura pichede etu bithor te sorkar khan pora commitment kurikena tai khan pora etu NRC te nathaka khan manu khan bisari kena nijor desh te wapas phutai dibole ase NRC pora manu khan kagooz nathakikena bui thaka khan pabo.Etu pichede dusra step toh voters list pora naam khan toh hataidibo aro sorkar laga benifits khan bi napabo aro dusra step toh tai khan ke wapas phutai dibo. BJP vice president aro  Rajya Sabha MP Vinay Sahasrabuddhe koishe etu illegal immigrants laga chamela toh ami desh bhal hobole karne hi ase.