Guwahati, October 27 : Assam laga Chief Minister Himanta Biswa Sarma para tai election hobole thaka jaga Chhattisgarh te ekta bhasan diya nimitey election commission para taikey notice diya laga mamla te react kurisey. Election commission para CM Sarma para bahsan diya tu first impression para galat lagisey.
Election commission para Assam laga Chief Minister Himanta Biswa Sarma ke etu notice diya tu Congress party para ekta complaint file kora picheyte kora asey.
CM Sarma para koisey, “Congress para Hon’ble Election Commission para etu material information withheld kurisey ki Mohammed Akbar tu Kawardha Constituency para taikhan laga candidate asey.”
Aro koisey ki etu nimitey ekjun candidate para legitimate criticism kora tu communal politics te najabo.”
Tai para agey barikina koisey, “ Congress para taikhan laga representation te etu ekdam jaruri fact janai nidiya laga kanooni consequence jhelibole lagibo. Ami tu Hon’ble Election Commission laga collection wisdom te pura biswas asey.”
Tailaga speech te CM Sarma para enaka koisiley, “ Judi ekjun Akbar kunba jag ate ahisey koiley, tai para 100 Akbar ke matey. Etu nimitey taikey kiman joldi parey eman joldi pathaidibi nohoiley Mata Kaushalya laga mati tu letra hoijabo.”
Election Commission of India para CM Sarma ke etu notice te October 30 laga 5pm tak te jawab dibole koisey.
Aro judi CM Sarma ke golti thaka paisey koiley taikey Chhattisgarh te BJP nimitey campaign kuribole para mana kuridibo parey.
Add Comment