Regional

Assam CM para Assam laga  3.7 lakh student ke total  Rs 161 crore laga cycle disey

October 14, 2023
31 Views
Shillong, October 13 : Assam laga Chief Minister Himanta Biswa Sarma para October 13(Friday din)  te rajya laga education(pora likha) quality ke improve kuribole nimitey tai kiman committed asey etu aro ekbar janaisey aro koisey ki “Pragati aro Vikas jibon ke asan banabole aro ekta ecosystem banabole laga opor te bi depend korey kotey amikhan laga baccha para bhal education pabole paribo.”
Tai para koisey ki 4,000 opor school ke  modify kurikina aro teaching laga vacancy fill kurikina, Assam para student khan ke cycle, computer aro dui chaka gari di asey aro koisey ki Assam para sob student khan laga pora likha journey te modod kuribole nimitey  cycle, computer aro dui chaka gari nisna jaruri bustu pai asey na nai etu sai asey.
Chief Minister Sarma para rajya laga education officials khan logotey milikina  class 9 laga 3.7 lakh meritious (pora likha te bhal thaka) student ke Rs 161 crore laga cycle bhak kurisey. Etu opor te aro bhal kotha tu etu asey ki etu subidha pa 56% student tu chukri khan asey.  Etu para Assam laga sarkar tu gender equity(mota maiki ke ekey somman suluk kora) aro jawan maiki khan laga hosla barabole kaam kora tu dikhai asey.
Etu class 9 student khan ke cycle bhak kora laga event chuli thaka homoitey, Chief Minister Himanta Biswa Sarma para tailaga bhabna share kurikina koisey, “ Amikhan para enaka educational(pora likha) laga mohol banabole mon jai asey kotey sob baccha para life te  agey baribole nimitey ekey opportunity pabo. Etu kadam tu chutu hoilebi amikhan para Assam laga youth khan para lamba aro bhagor lagaidiya nisna door rasta bera laga dukh nukurikina taikhan laga pora likha te dhyan dibo paribo.”