Assam CM para OCs ke hotai 15 din te health check-up koishe

July 6, 2021. Monday din Assam Chief Minister Himanta Biswa Sarma para State pura police stations te officers-in-charge (OCs) khan logot sobse osor hospitals te jaikena hotai 15 din te health check-ups koriboli junaishe. Chief minister Sarma etu hokom janai deya toh Assam police stations te officers-in-charge OCs logot Srimanta Sankardev Kalakshetra, Guwahati te conference thaka samai koishe. Etu conference toh chief minister Sarma laga chairmanship pithor te thakishe. OCs logot kotha kora samai, chief minister para alag-alag khobor besi janaishe. Tai koishe, Assam government para OCs sob ke four-wheeler thibo aro jodi gari te peraboli duhk hoile, bike thikena police station te kam toh bhal para korikena jaboli janaishe. Chief minister para junaishe ke, state government para police stations te kam nemite poisa para be motob thiboli koishe aro etu poisa toh sob police station te Rs 2.5 lakh thiboli koishe. Sarma koishe, funds toh police stations te quarters ghor bonaboli nemite ase aro police stations kaun jaga te generator facility nai, etu jaga te generators thiboli koishe. Chief minister para manuh logot poisa naloboli koishe aro OCs khan ke police verification reports toh janai thiboli koishe. Etu oper te tai para OCs khan ke rape, murder, arms aro drugs cases te mon thikena kam korikena chargesheets bonaboli janaishe. Tai OCs khan ke forensic reports toh bonaboli koishe aro hotai samai nejor SPs aro DSPs logot khobor loi thakiboli janaishe. State te janwar chor kora case toh nathakiboli Chief Minister para aro Ocs khan logot koishe. Etu conference toh “special & historic” ase koikena Assam director general of police (DGP) Bhaskar Jyoti Mahanta para koishe.