Assam CM para private bus malik ke fare hike nakoriboli koishe

GUWAHATI: Chief minister Himanta Biswa Sarma para private buses owners kahn ke State te fare hike nakoriboli janaishe. CM Sarma para koishe ke, itya laga halat te bus fare hike nakorishe koile toh sobse bhal fesla hobo, keli koile itya state te manuh laga halat toh COVID-19 bemar aro lockdowns para besi dukh hoikena ase. Chief minister para aro koishe ke, bus malik khan para fare othaboli mon hoile toh halat toh normal te aha beche koriboli lage, jodi tai khan para othaboli ase koile. “manuh laga jevan toh bemari para besi duhk hoikena ase aro society te tangor section toh halat nemite duhk pai ase. State te private bus malik khan para fare othaboli laga fesla toh cancel koribo lage, aro ami khan melikena etu laga kotha koriboli paribo,” koikena Assam chief minister Himanta Biswa Sarma para janaishe. CM Himanta Biswa Sarma para koishe ke, Assam transport minister Chandra Mohan Patowary toh private bus malik logot kotha korishe aro tai khan ke fare hike nakoriboli janaishe. Khobor hesab te, All Assam Motor Workers Union (AAMWU) para state te bus fare toh 50 per te othaboli fesla korikena ase koishe. Union para fesla lowa toh society aro section alag-alag para kushi napowa hoishe keli koile hotai din communaication toh bus service ase.