November 05,2020: Assam chief minister Sarbananda Sonowal para Wednesday din te traders bodies aro alag alag department officials laga representatives khan logote essential commodities laga daam utha te meeting loishe.
Sonowal para ekta urgent meeting matishe etu daam utha laga chamela te kotha kuribole nimete Assam Administrative Staff College Guwahati te.
Chief minister para etu daam utha chamela toh saishe Assam Chambers of Commerce, Kamrup Chambers of Commerce aro dusr a traders bodies aro suggest ion khan mangishe etu essential saaman laga daam utha toh rukhabole nimete.
Aro koikena janaishe alu piyaz subji anda aro dail laga daam uthi thaka para manu khan ke dikdaar di thakishe aro etu para tai khan etu te khilaaf kurishe sonowal koikena janaishe ki government khan enika chamela te eni bui nathakibole lageh aro manu khan ke et u daam utha para aram kuribole lageh.
Assam CM para saaman laga daam etu te alu piyaz aro subji laga daam wholesale aro retail markets uporte kotha kurishe aro dhamki dishe etu traders khan daam uthaishe koile toh action lobole janaishe.
Tai aro bi koikena janaise integrated dedicated teams toh administration para state te bonabole etu markets khan sabole nimete aro essential items laga daam khan uthi thaka toh sabole nimete.
Tai para aro bi koi kena janaishe government aro business community khan milikena etu daam uthi thaka toh sabole nimete aro koikena janaishe ekta solution olabole nimete sellers aro buyers khan laga interest te serve kuribole nimete.
CM para aro bi food and civil supplies minister Phani Bhushan Choudhury ke hokum dishe aro bi ekta meeting lobole nimete shopping malls laga representatives aro business community laga members khan logote Wednesday meeting te naha khan logote.
Tai para supply department khan ke public khan majhotte janaidibole koishe subji khan laga retial price tai khan ke source te dam laga khobor dikena.
Etu meeting te Food and civil supplies minister PhaniBhushan Choudhury, agriculture minister Atul Bora aro dusra top officials khan ahise.
Add Comment