Guwahati, April 2 : 800 dawai laga daam revise kora aro utha laga report ola picheyte, Chief Minister Himanta Biswa Sarma para dawa kurisey ki tai para enaka eku khobor panai.
Assam laga Diphu te ekta event huwa picheyte, media ke kotha kurikina CM Himanta para dawa kurisey ki tai para dawai laga daam utha laga eku khobor pa nai.
Tai para koisey ki dawai laga daam khan bodli kurisey koilebi government para ekta card disey kuntu para Rs 5 lakh tak laga subidha di asey.
Tai para koisey ki etu card(Ayushman Bharat Scheme under te thaka) para manu khan ke dawai khan free kinibole allow korey.
April 1 te dawai khan laga daam olop uthisey.
National Pharmaceutical Pricing Authority (NPPA) para koisey ki etu dawai khan te antibiotics, painkillers aro bisi alag alag dawai khan thakisey.
National List of Essential Medicine (NLEM) laga under te, daam bodli huwa tu wholesale price index (WPI) te saal saal te bodli huwa hisap te 0.0055% thakisey.
Hoilebi, Assam laga CM ke journalist khan para on the spot sawal kora ke tai para manu khan tu dawai free para pai asey koikina jawab disey.
Add Comment