Guwahati, April 12 : Congress para taikhan laga Shramik Nyay Campaign laga hisa te, Assam laga sob cha bagan te kaam kora manu khan ke hodai din Rs 400 hazira dibole guarantee disey.
Congress leader Jairam Ramesh para highlight kurisey ki 2016 te, BJP aro Prime Minister Modi para etu kaam kora mnau khan nimitey per day minimum Rs 351 hajira dibole kosom khaisey.
Hoilebi, October 2023 te hey Assam Government para hodai din laga hazira ke Rs 250 tak barabole asey.
Congress party para etu ke taikhan laga Paanch Nyay Pachees Guarantee logotey contrast kuri asey kuntu te cha bagan te kaam kora manu khan ke daily hazira Rs 400 dibole assure kuri asey, judi taikhan ke vote dikina power te ahisey koiley.
Ageyte April 11 te, Congress MP Gaurav Gogoi para BJP logotey close sambandh thaka manu khan laga khilaf te serious iljam lagaisiley. Assam Chief Minister Himanta Biswa Sarma aro central minister khan laga khandan ke milaikina. Gogoi para koisey ki etu manu khan tu Assam te bankrupt(cholabole poisa nathaka hoija) cha bagan khan kiniya te shamil asey aro etu zameen khan tea lag business suru kuribole nimitey etu khan k ek-rati bhitor te bikri kuridisey.
Etu situation ke election logotey jurikina thaka controversy nohoikina ekta “dangor scam” asey koikina, Lok Sabha te Congress laga Deputy Leader Gaurav Gogoi para Assam laga cha bagan te kaam kora manu khan laga bhabisya ke loikina chinta jataisey. Tai para etu nimitey hazar opor workers khan naukri napaikina thaka laga halat ke highlight kurisey.
Gogoi para ekta interview te etu scheme elaborate kurikina koisey ki cha bagan laga ownership te achanak bodli aha para kaam kora manu khan ke taikhan laga hazira aro jaruri supply khan pabole delay kuridisey. Tai para jor dikina koisey ki para kaam kora manu khan ke cha bagan para bahar olaidibole aim kurikina alag industry laga kaam nimitey mati bikri kuridisey.
Add Comment