Guwahati, March 31 : Dangor barish para March 31 te Guwahati laga Bordoloi International Airport te flood kuridisey.
Etu tu Northeast India te ekta sobsey dangor aro bisi busy thaka airport asey. Kuntu te VVIP(bidi dangor manu khan) jaiseki Prime Minister Narendra Modi aro Home Minister Amit Shah khan bisi aha juwa korey.
Etu Lokpriya Gopinath Bordoloi International Airport tu northeast region laga connectivity nimitey bi bisi jaruri asey.
Etu airport bhitor te, flood huwa para bisi manu khan fasijaisey.
Etu dangor barish para celing crack kuridisey, roof ke bhangaidisey aro bhitor te pani gira para aha juwa kora manu khan nimitey ki kuribo ki nukuribo etu laga ekta scene aro chinta olaidisey. Pani tu kotey para girisey etu najanikina asey.
Airport te kaam kora manu khan para bisi kosis kora laga bawajut bi etu flood ke rokhabole paranai. Passenger khan para ankle tak gehra thaka pani ke par kuribole dukh paisey aro bisi manu khan para taikhan laga aha juwa kora plan ke asar kora laga opor te gusa jataisey.
Etu ghotna tu agey barikina chinta koraidiya laga asey. Kilemaney Guwahati te IPL match hobole asey kuntu para etu flood huwa ke asurit aro chinta koraidiya laga mamla banaidisey.
Add Comment