New Delhi, 23 July: Tuesday din Rajya Sabha deh Minister of State for Health, Ashwini Kumar Choubey para khobor janaideya toh, “Etu sal July 18 direk tak Acute Encephalitis Syndrome (AES) para 214 manu morise”.
Etu opor deh ke measures loise koikena howah ke monister koise, “central team khan Assam deh June 30-July 1 aro July 8-10 majode ahhaise. Etu toh situation deh saijabo nemide ahhaise aro state ke technical motob deshe”.
“Team khan dekhi powah toh, Japanese Encephalitis (JE) transmission toh state deh ahhaise hoilebi etu samai deh tusara pathogens- scrub typhus, leptospirosis nesana khan be dekhise”.
Mr Choubey koise, “Dekthari pai thaga ke state health authorities para besi action toh loise. Hoilebe AES, JE, testing algorithm, treatment protocol aro vector management toh dekhise aro state aro District Health Authorities ke etu nemide phal para samjaise”.
Tai koise, Assam laga tuita districts deh, two Physical Medicine aro Rehabilitation (PMR) Departments phal kuribo nemide funds toh deshe.
Tai koise, sob 27 endemic districts toh JE vaccination campaign pethor deh cover korise aro nine districts toh adult JE vaccination aro additional adult JE vaccination pethor deh cover korise.
National Health Mission (NHM) bulletin, Guwahati para Tuesday din khobor janaideya hesab deh, Japanese Encephalitis nemide etu moina manu mora toh 110 deh othise aro last tin din deh aro nine jun morise.
Add Comment