Agencies:Wednesday te Indian Red Cross Society, Jonai district branch aro Jonai sub-divisional administration aro Gramya Unnayan Manch laga modot loi kena free medical camp organize kurishe. Etu free medical camp toh Asam laga Dhemaji district laga Tari Maj gaon (Berachapori) jaga te kurishe.
Red Cross society toh World Red Cross Day logote melai kena health camp organize kurishe.
Ek din pura thaka ‘Free Health Camp’ toh Jonai Block PHC laga medical manu khan aro in-charge Dr Kishore Kr Kaman para melai kena kurishe. Tai khan melai kena 150 opor patients khan laga treatment kurishe. Etu patients khan toh alak alak categories/ailments para ahishe aroi tai khan ke dawai laga poisa bhi luwa nai.
Ek din lamba programme toh attend kuri kena Jonai assistant commissioner (AC) Gayatri Patir para tate thaka bosti manu khan ke duniya laga sob para naam dangor thaka organization opor t khushi paa janaishe. Red Cross toh manu khan ke alak alak rasta para modot kura nimite jane aro Etu toh saatha fundamental principles para cholai ase.
Tai para bosti manu khan ke administration khan logote ekdam bhal para meli kena thakibole koishe aro melai kena jaga te hoi thaka fflood aro dusra natural disaster logote larai kuribo koishe. Tai para aro bhi koishe ke jaga te kaam kuri thaka NGOs khan laga kaam khan toh suikar kuribole koishe. Etu para natural disasters khan aha samay te tai khan laga dhuk toh olop aram pabo koishe.
Add Comment