August 11, 2020 : Assam Medical College and Hospital (AMCH) Dibrugarh te ekta 45 umar woman tax superintendent kun Covid-19 test positive paishe murishe.
Tax superintendent Reejumoni Gohain, kun olop din para beemar thakishe dibrugarh laga private hospital te admit kurikena thakishe.tai ke etu pichede Covid-19 elach nimete AMCH te luijaikena ase Sunday din te tai laga condition achanak para biya huwa nimete.
Tai toh AMCH te Sunday saam te murishe. Gohain toh Guwahati laga COVID-19 frontline warrior nimete kaam kuri thakishe tin moina nimete dibrugarh te najaa akhe te.
Gohain toh inspector of taxes nishena ahise aro olop akhe te superintendent laga rank te ahise.
commissioner and secretary finance, Shyam Jaganathan para condolence message diya te janaishe“taxation officer thaka samay te tai toh ekta bhal manu thakishe kun para tai laga kaam toh mondikena kurishe.tai toh khotom nohoa tak kaam kuri thakishe frontline COVID-19 warrior thakikena .”
Add Comment