June 2, 2021. Assam’s Hojai district laga police para doctor ek jun duty te thaka samai assault kora nemite 24 manuh ke thurikena ase koishe. Etu 24 manuh pithor te main manuh toh be thurishe aro etu oper te maiki ek jun para video te doctor ke assault kora social media te thika toh be thurishe. Etu case laga khobor toh Assam Police Special DGP, GP Singh para janaishe. GP Singh para aro koishe ke, police para case chargesheet toh jodi submit korikena etu manuh khan oper te action lobo. Tuesday din, Fultali Model Hospital, Lanka Police Station pithor central Assam, Hojai district te doctor ek jun duty te thaka samai hospital te COVId-19 bemar manuh mora nemite group ekta para doctor ke toh besi beya para marishe koishe. Khobor para koishe ke, etu mora manuh laga ghor manuh khan para doctor, Seuj Kumar Senapati ke besi beya para marishe aro hospital te konuba nurses duty te thakai khan logot be hath jolaishe koishe. Etu samai, doctor duty te thaka samai mara nemite state pura te besi tangor condemn kori ase. IMA Assam State Branch para koishe ke, “IMA Assam State Branch para Dr Seuj Kumar Senapati logot Covid Care Centres, Hojai District te hath jola nemite condemn kori ase. Assam Health Minister Keshab Mahanta para etu doctor logot lok korishe aro tai laga halat toh saishe. Health Minister para koishe ke, ami khan laga frontline warrior logot etu neshina hath jola toh maaf nakoribo aro etu manuh ke saboli koishe. Dr Seuj Kr Senapati toh tai bhal nahowa dak ami khan laga hath pithor te thakibo koishe.
Add Comment