Guwahati | September 8, 2019 (PTI): Saturday din official release te koishe ki Assam government khan para Shyam Jagganathan committee kun khan mob khan maridiya doctor laga chan bin kuri ase tai khan ke tai khan laga report toh ek moina bithor te dibole janaishe.
Chief Minister Sarbananda Sonowal para Wednesday te Jagannathan, commissioner aro secretary, finance ke koishe etu 73 sal Dr Deven Dutta ke Jorhat laga tea garden te murai diya laga chan kuribole janaishe.
Release te koishe ki Etu one-man committee ke koishe authority khan kile eman diri loi ase sabole koishe aro etu hadsaa toh future te nohobole nimete upai kuribole koishe.
Assam government khan aro manishe etu Dutta ke muraidiya te sabole nimete ekta fast track court bonabole nimete.
Dutta toh jhokom paikena murishe etu bi August 31 te ekta tea garden te kaam kura manu muri jaa pichede Teok tea estate laga mob khan para maridikena murishe.
Assam laga doctors khan Tuesday din te 24 hours strike kurishe etu Dutta mura laga uporte khilaaf kurikena etu doctor toh tea estate hospital te kaam kuri thakishe poisa noloikena retire huwa pichede .
Add Comment