Assam: Ek jun manu para chotu bacha ke nodi te geraidishe

GUWAHATI | September 30, 2019: Saturday din Assam te ekta   manu ke police para thurishe etu bi tai laga dui sal adha maiki bacha ke muraidiya nimete .

Etu hadsaa laga khobor janaa toh  etu accused laga maiki para FIR kura pichede  etu mota ke bodnam kurishe tai laga bacha ke muraidiya nimete.Etu mota laga naam toh Assam’s Lahapara village te thaka  Bribal Boro ase.

Media laga khobor hisab te etu manu para tai laga chotu maiki bacha ke dubaidishe  ekta beemari ke hatabole nimete etu para dikdaar dikdaar pai thakishe tai ke cure kuribole nimete .Friday din te etu manu toh bahar te jaishe tai laga bacha logote aro etu pichede etu maiki bacha noloikena wapas ahise.

Family members khan para etu bacha laga hudah time te tai para tai khan ke koishe tai para etu bacha ke nodi te dubaishe kile koile isor para tai ke koishe.

Locals khan koishe  etu manu toh ek moina para beemar thakishe aro tai ekta quake  ke lokuribole jai thakeh  kun para tai ke  tai laga bacha ke sacrifice kuribole koishe  bachabole nimete .

Police koishe  ki State Disaster Response Force team laga modot para etu chotu bacha laga body paishe .Etu manu ke local court te luijabole ase  medical examination loikena .