Guwahati, May 26, 2026: Assam laga Nagaon district te, police khan para ekta chor ke gule mare kena morai de she, May 26 laga phojor phane, officials khan para enia koi she. Nagaon Senior Superintendent of Police (SSP) Partha Protim Das para koi she ki, police khan khobor pai she manu kumba chor kure bole laga planning bana ase koi kena. Ekta Nagaon Police Station laga team para ekta operation shuru kure she, Borkandali-Mikirpar bosti te, kunto Rangaloo patrol poast laga betor te ahea. Police khan laga hesab te, pasta manu pola bole khushesh kure she, police khan tai khan ke dekhea piche. Tai khan ke kheta homoi, ekta police para gule mare she. Aro ekjun ke jokhom kure de she. Tai ke Nagaon Medical College and Hospital te loi she, kute doctors khan para tai mure she koi she. Tai laga nam toh Khairul Ali ase, tai toh Lakhimpur town te buhea koi she.
Assam: Ekta chor ke morai de she police khan para, Nagaon te
