Guwahati, February 05 : Assam cabinet para February 5 te 15th Legislative Assembly laga Budget Session laga first din te ‘Examination Bill’ introduce kurisey.
Etu Bill laga contents hisap te, exam laga homoitey cheating kora nimitey ekjun manu tu 3 years jail aro Rs 10 lakh fine dibole laga sajai pabo parey. Exam laga paper leak kora laga sajai tu Rs 10 lakh laga fine aro 10 years jail hobole asey.
Reports para dikhaisey ki exam khan te galat practice kora laga mamla ke tackle kuribole nimitey cheating kora aro question paper leak kora nimitey ekta nutun bill olaisey.
Question paper khan gairkanooni tarika para bhak kora laga khilaf te sarkar tu ekta strict kadam uthai asey. Etu tu enaka mamla asey kuntu para juwa saal te High School Leaving Certificate (HSLC) exam likha student khan ke bisi biya para affect kurisey.
Nutun nyom laga hisap te, exam nimitey question paper print kora tu khali sarkar para authorize kora press te hey kuribole allowed asey.
Etu bill tu sob sarkari exam, jaiseki Assam Public Service Commission (APSC), Gaujati Hoigh Court, Grade III aro IV exam nimitey State Level Recruitment Commission (SLRC) direct recruitment nimitey asey. Etu rule tu HSLC, Assam Higher Secondary Education Council (AHSEC), Teacher Eligibility Test (TET) exam aro alag alag exam nimitey bi asey.
Add Comment