GUWAHATI: Assam te flood halat toh besi beya hoikena jai ase, itya state te 5 lakh manuh neshina besi dukh te ase koikena khobor para janaishe. Assam State Disaster management Authority (ASDMA) khobor hesab te, State te 4,92,818 manuh neshina khan floods para dukh te ase. Assam laga 21 districts neshina toh floods laga 1st wave para state manuh ke dukh pongchaikena ase aro etu samai, 39606.03 hectares crop land toh floods para beya korikena ase, koikena khobor toh Assam State Disaster management Authority (ASDMA) para junaishe. Nalbari district toh sobse beya halat te ase, etu jaga te 1.1 lakh manuh besi tangor dukh te ase, etu beche Golaghat district te 91,000 aro Darrang district te 84,000 manuh khan dukh pai-ase. Itya samai, Assam laga 21 districts te 1230 bosti toh paani pithor te ase aro etu samai, 105 relief camps aro distribution centres toh government para Assam laga 12 districts te bonaikena ase. 4000 manuh neshina pithor te 935 bacha kahn toh government para bonaikena thaka 105 relief camps te bohikena ase. Assam State Disaster management Authority (ASDMA) para aro janaishe ke, 5.4 lakh janwar aro poultry toh be floods para lakina ase.
Assam flood para 21 districts te 5 lakh manuh dukh te ase
Add Comment