AGENCIES ,May 12 2019 :Golaghat laga manu khan Furkating junction Rajdhani Expreess nimete stoppage manga toh etia thik kuribole manishe.
District laga alag alag organisation khan etu te Rajdhani Express ekta sobse fastest train laga stoppage nimete bishi din para mangishe .
“Ami khan Northeast Frontier Railway (NFR) authority khan ke dhandyaabad kuri ase stoppage diya nimete .Ami khan olop akhe te rail roko programme loishe stoppage mangikena .Etia tai khan manishe “.
Etu jaka Furkating toh district headquater para 8 km jaikena ase .Aro etu toh Kaziranga National Park (KNP) laga osor wala station ase .Aro etu logote Gologhat aro Nagaland laga tourists spots khan bi ase.
Etu Rajdhani express laga stoppage para tourist khan ke modot kuribo park te jabole aro sobse osor thaka station te namibole point train ara thakishe .Etu ekla nohoikena Numaligarh Refinery Limited 25 km laga distance tye thaka Golaghat para railways khan ke income di thakeh kile koile etu refinery laga endproductd toh railways para hi markets te ghusse.
Maligaon laga NFR headquater tai khan para Lumding division te message dikena khobor dishe ki etu train number 20505/20506 Dibrugarh Town – New Delhi Rajdhani Express para Furkating junction te two minutes stoppage dibo.
Add Comment