DIPHU | March 30, 2020: Diphu area Assam te akhe bar kun hoilebi etia sobji khan online para order kuribole paribo.Monday te etu service shuru hobo.Home delivery service toh 14 wards Diphu Municipal Board bithor te .
Greater Diphu Bazar Committee (GDBC) para Chief Minister of Assam, Karbi Anglong Autonomous Council aro District administration para koikena initiative shuru kurishe.
Media logote kotha kura samay te Greater Diphu Bazar Committee (GDBC), laga president Tengkreng Rongpi koishe etu lockdown te tai khan para public ke tai khan laga sobji order kuribole paribo online booking para.
Rongpi koishe ki “Monday para 8 am para 11 am tak ami khan laga booking system shuru kuribo .Payment mode toh cash on delivery thakibo aro delivery samay toh 2pm para 5 pm tak thakibo.Kile maneh etu akhe bar huwa nimete ami khan vegetable uporte deal kurishe judi public khan bhal lagishe koile toh ami khan ahibole din phaneh bhal kuribo.”
Judi order kuribole mun thakile toh Bidya Engti – 6003547349 and Ardison Tisso – 910137745 te contact kuribole paribo . 30/03/2020 te saaman thaka toh Brinjal, Gourd, Cauliflower, Cabbage, Papaya, Banana, French beans, Ladies finger/Bhindi, Lemon, Chilli, Indian Bean/ Thepak khan ase.
Thura aro packaging nimete Rs 10 toh charge kuribo.Saam laga daam toh bodli huwa hisaab te thakibo.
Add Comment